Manifesto

Nga Open Labs Wiki
Shko tek: lundrim, kërko
Other languages:
English • ‎shqip

Open Labs Hackerspace Albania është një organizatë joqeveritare, jofitimprurëse, e dedikuar drejt promovimit të lirisë,transparencës dhe decentralizimit duke e përforcuar zërin si një komunitet i tërë.

Open Labs pëfshin një komunitet njerëzish nga të gjitha grupmoshat, gjinitë, kombësitë dhe racat, të cilat janë përkrahës të FLOSS ( Softuerë i lirë me burim të hapur), të Internetit të Hapur dhe Lirisë së Fjalës, të cilët e dedikojnë kohën e tyre për njohuri të lira për të gjithë. Ne besojmë se softuerët dhe njohuritë në përgjithësi duhet të zhvillohen dhe të shpërndahen mes të gjithëve.

Bordi ynë drejtues zgjidhet në mënyrë demokratike dhe vendimet teknike ndërmerren nga kontribuesit të cilët kryejnë punët. Ne gëzojmë mbështetjen e shumë organizatave; vendore, rajonale dhe ndërkombëtare. Në Open Labs, ne besojmë se të gjithë kontribuesit duhet të sillen denjësisht me njëri-tjetrin. Duke krijuar një ambjent për kontribuim konstruktiv, ne mund të krahasojmë dhe të hedhim ide të reja në mënyrë më efektive dhe të suksesshme për të gjetur zgjidhjet më të mira për avancim, duke rritur madhësinë, diversitetin dhe fuqinë e komunitetit tonë.

Open Labs përdor një qasje të bazuar në komunitet për të prekur problemet vendore (por gjithashtu dhe rajonale, dhe në disa raste dhe ndërkombëtare). Ne kemi një shtrirje globale të formuar për të edukuar dhe përkrahur avantazhet e softuerëve të lirë me burim të hapur dhe për të ndërtuar ura lidhëse midis komunitetesh të ndryshme në botën e softuerëve të lirë me burim të hapur.

Pavarësisht se ne besojmë se nuk mund të ekzistojë një shoqëri e lirë dhe e decentralizuar pa softuerë të lirë, ne gjithashtu promovojmë ideologjinë e përgjithshme të burimit të hapur, sepse mban në shumicën e rasteve vlera të ngjashme me ato çka filozofia e softuerit të lirë kërkon të arrijë. Ne i kundërvihemi përdorimit të mjeteve të cilat sjellin përfitime për aksionerët ose individë të veçantë e jo shoqërisë, si DRM, kyçjes nga mundësuesi, ligjeve të tepruara të së drejtave të autorësisë, mbikëqyrjes dhe atyre të ngjashme me to.

Si rezultat i këtyre përpjekjeve, ne kemi projektuar një set parimesh të cilat ne besojmë se janë kritike për komunitetin tonë, dhe për këdo që i bashkërendon pikëpamjet dhe idealet e tyre me tonat, për të mundësuar informacion, të dhëna dhe mjeta të aksesueshme nga të gjithë.

Ne kemi vendosur parimet e mëposhtme:

  • Artikulimi i një vizioni për FLOSS në Shqipëri, të cilin Open Labs dëshiron të ndjekë;
  • Të flasë me njerëzit pavarësisht nëse ata kanë apo jo një sfond teknik;
  • T’i bëjë anëtarët e Open Labs krenarë për atë çka ne po bëjmë së bashku dhe për të motivuar vazhdimësinë e saj;
  • Të rrisë ndërgjegjësimin në Shqipëri (dhe jo vetëm) për avantazhet e burimit të hapur dhe FLOSS; dhe
  • Të mundësojë një platformë për njerëz të tjerë që të avancojnë këtë vizion për FLOSS në Shqipëri.

Si një komunitet me një varietet pjesëtarësh të së gjitha sfondeve, komunikimi është aseti ynë më i rëndësisëhm, dhe është jetik për misionin tonë. Marrja e vendimeve duhet të shpërndahet ndërmjet njerëzve përgjegjës për të, me qëllim që të shmangen mosmarrëveshjet në të ardhmen. Kjo duhet të ndodhë pa e bërë të gjithë procesin burokratik dhe tepër zyrtar.

Siç është në natyrën e Open Labs, ne na pëlqen të punojmë në të hapur, që do të thotë se ne i ndërtojmë marrëdhëniet tona bazuar në besueshmëri, drejtimin e decentralizuar dhe merita të tjera, duke e mbajtur ndërkohë numrin e rregullave në minimum, në përpjekje për të mundësuar lirinë, duke respektuar varietetin e gjerë të secilit në komunitetin tonë. Për të punuar drejt misionit tonë, ne preferojmë të përfaqësojmë detyrime dhe të krijojmë kontribues proaktivë që mund të mbështeten tek vetja, përkundrazi nga dhënia e urdhërave.